Rheolwr Gwasanaeth - Byw â Chymorth i Bobl ag Anableddau Dysgu - Mewnol yn Unig

Rydym yn ceisio recriwtio unigolyn llawn cymhelliant a phrofiadol a fydd yn gyfrifol am reolaeth gyffredinol ein Gwasanaethau Llety Anabledd Dysgu i bobl ag amrywiaeth o anghenion gofal a chymorth yn y gymuned

Bydd ffocws ar wasanaethau sy'n canolbwyntio ar y person ac yn cael eu harwain gan y person; bydd disgwyl i chi ddatblygu cyfleoedd i bobl, eu teuluoedd / gofalwyr i gymryd rhan weithredol mewn prosesau ymgynghori a datblygu gwasanaethau

Bydd y rôl yn cynnwys cymryd yr awenau gyda gweithwyr proffesiynol eraill i sicrhau bod gofynion statudol a chyfeiriad strategol yn cael eu bodloni ac yn cyflawni canlyniadau sy'n cael eu llywio gan safonau Deddf Gwasanaethau Cymdeithasol a Llesiant (Cymru) 2014 a RISCA

Bydd deiliad y swydd yn gyfrifol am y gwaith cyffredinol o reoli, arwain a datblygu rheolwyr a staff ar draws sawl safle ym mwrdeistref Pen-y-bont ar Ogwr. Byddwch yn goruchwylio'r gwaith o recriwtio ac yn gyfrifol am ddefnyddio adnoddau'n effeithiol ar draws gwasanaethau er mwyn bodloni ein gofynion statudol

Bydd gofyniad i ymgymryd â chyfrifoldebau Rheolwr Cofrestredig gydag Arolygiaeth Gofal Cymru, a monitro cydymffurfiaeth a gweithredu effeithiol ar draws gwasanaethau rheoledig; bydd cymhwyster rheoli cydnabyddedig mewn Arweinyddiaeth a Rheoli yn hanfodol.

Mae profiad helaeth o reoli gwasanaethau a reoleiddir gan Arolygiaeth Gofal Cymru (AGC) yn un o ofynion hanfodol y swydd. Yn ogystal â hyn, rydym yn ei gwneud yn ofynnol i ddeiliad y swydd fod yn rheolwr cofrestredig gyda Gofal Cymdeithasol Cymru a meddu ar gymhwyster cydnabyddedig mewn Arweinyddiaeth a Rheolaeth.

Mae'r gallu i gyfarch cwsmeriaid drwy gyfrwng y Gymraeg yn ofyniad ar gyfer y swydd hon.

Mae amddiffyn plant, pobl ifanc neu oedolion sydd mewn perygl yn gyfrifoldeb craidd i holl weithwyr y cyngor.

Mae gwiriad cofnodion troseddol Manwl gyda rhestr Oedolion Gwaharddedig gan y Gwasanaeth Datgelu a Gwahardd (DBS) yn ofyniad ar gyfer y swydd hon.

Mae Gweithio ar Benwythnosau ac Ymateb i Argyfwng yn ofyniad ar gyfer y swydd hon.

Dyddiad Cau: 18 Chwefror 2026

Dyddiad Llunio'r Rhestr Fer: 20 Chwefror 2026

Dyddiad y Cyfweliad: 25 Chwefror 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person