Rheolwr Gwerthuso a Gwella Strategol

Fel rhan o'r Gwasanaeth Cynllunio ac Adnoddau Addysg newydd, mae hon yn rôl arwain strategol o fewn y Gyfarwyddiaeth Addysg, sy'n gyfrifol am ymgorffori diwylliant o hunanwerthuso a gwelliant parhaus ar draws y gwasanaeth addysg ac ysgolion. Bydd deilydd y swydd yn arwain ar ddatblygu a gweithredu fframweithiau sy'n gyrru gwelliant ar draws y gwasanaeth, gan sicrhau aliniad â blaenoriaethau corfforaethol a safonau cenedlaethol. Bydd y rôl yn canolbwyntio ar ddylanwadu ar gynllunio strategol a gwneud penderfyniadau trwy werthuso cadarn ac ymarfer yn seiliedig ar dystiolaeth i wella canlyniadau i ddysgwyr.
Amdanoch chi:
Byddwch yn arweinydd profiadol gyda chefndir cryf mewn gwelliannau addysg, hunanwerthuso, a newid strategol. Byddwch yn meddu ar sgiliau dadansoddol rhagorol, y gallu i ddylanwadu ar bob lefel, a dull cydweithredol o yrru newid diwylliannol. Byddwch yn hyderus yn rheoli prosiectau cymhleth, ymgysylltu â rhanddeiliaid, a defnyddio tystiolaeth i lywio polisi ac ymarfer
Beth fyddwch chi'n ei wneud:
Byddwch yn arwain y gwaith o ddatblygu a gweithredu fframwaith
hunanwerthuso cadarn a chynaliadwy ar gyfer y Gyfarwyddiaeth Addysg, gan sicrhau bod blaenoriaethau gwella yn cael eu nodi a'u gweithredu. Byddwch yn darparu cyngor strategol i uwch arweinwyr, yn rheoli prosesau llywodraethu i'w gwerthuso, ac yn hyrwyddo diwylliant o welliant parhaus. Byddwch yn sicrhau bod canlyniadau gwerthuso yn llywio cynllunio strategol a dyrannu adnoddau, ac yn gweithio ar y cyd ag ysgolion, timau mewnol, a phartneriaid allanol i gyflawni gwelliannau cynaliadwy.

Mae gan y swydd hon ofyniad ar gyfer Gwiriad DBS Manwl