Rheolwr Rhanbarthol - TDA

TÎM DYLETSWYDD ARGYFWNG GOGLEDD-DDWYRAIN CYMRU

Mae Tîm Dyletswydd Argyfwng Gogledd-ddwyrain Cymru (TDAGDdC) dan ofal Cyngor Bwrdeistref Sirol Wrecsam. Mae hon yn Bartneriaeth sefydledig rhwng Cynghorau Wrecsam, Sir y Fflint a Sir Ddinbych sy'n darparu ymateb brys i faterion yn ymwneud â gwasanaethau cymdeithasol y tu allan i oriau swyddfa.

G13: £52,805 - £56,074

(ynghyd â'r lwfans ar alwad sy'n daladwy fel a phryd y mae'n ofynnol i ddeiliad y swydd fod ar rota ar alwad.)

Parhaol, 37 awr yr wythnos

Mae cyfle unigryw i helpu i reoli'r cydweithrediad rhanbarthol hwn ochr yn ochr â'r Pennaeth Gwasanaeth ar gael i rywun sy'n mwynhau her, sy'n greadigol ac sy'n mwynhau gweithio mewn partneriaeth mewn lleoliad gofal cymdeithasol. Mae TDAGDdC yn derbyn atgyfeiriadau ar gyfer pob grŵp agored i niwed (Oedolion, Plant, Pobl HÅ•n, Iechyd Meddwl ac ati)

Gyda'r Pennaeth Gwasanaeth yn Wrecsam yn rheolwr llinell i chi, byddwch hefyd yn gweithio gydag Uwch Reolwyr o'r tair Sir i ddatblygu'r gwasanaeth ymhellach drwy Fwrdd Partneriaeth. Bydd gennych gyfrifoldeb gweithredol dros gyfarwyddo, rheoli a datblygu'r Gwasanaeth. Er bod y gwasanaeth yn cael ei ddarparu 'y tu allan i oriau', bydd deiliad y swydd yn gweithio yn bennaf yn ystod oriau swyddfa yn ystod y dydd i reoli'r gwasanaeth. Mae gofyniad hefyd i fod ar alwad yn rhan o rota dros nos a'r penwythnosau, gyda'r angen i fod ar gael ar gyfer shifftiau yn ôl yr angen.

Bydd angen hanes amlwg o gyflawni wrth arwain a rheoli timau staff yn effeithiol, gan gynnwys profiad sylweddol yn rheoli perfformiad a chyllidebau a gweithio mewn partneriaeth, yn enwedig gyda chydweithwyr Iechyd a'r Heddlu.

I gael sgwrs anffurfiol, cysylltwch â Mike Bell, Pennaeth Gwasanaeth ar 01978 298440
Neu gallwch gysylltu drwy e-bost mike.bell@wrexham.gov.uk

Mae'r swydd hon yn destun gwiriad Manylach y Swyddfa Cofnodion Troseddol.

Mae Cyngor Wrecsam yn croesawu ceisiadau gan ymgeiswyr sydd â chymwysterau addas, waeth beth fo'u hil, rhyw, anabledd, rhywioldeb, cred grefyddol neu oedran.

Mae'r Cyngor yn ymrwymedig i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn y Gymraeg a'r Saesneg.

Eitemau wedi'u Llwytho i Lawr:

Job Desc... (.docx) (58kb) , Swydd-dd... (.docx) (63kb)