Rheolwr Tîm - Adnoddau

Mae Cyngor Sir Conwy yn bwriadu recriwtio Rheolwr Tîm i'r Tîm Adnoddau sy'n cefnogi Oedolion a Phlant sy'n dioddef anawsterau a all arwain at chwalu teulu / lleoliad.

Bydd yn ofynnol i chi gadeirio Cyfarfodydd Panel Aml-asiantaethol Ymyl Gofal wythnosol, a chysylltu ag asiantaethau i sicrhau bod cymorth dwys yn cael ei ddarparu i deuluoedd mewn Argyfwng.

Disgwylir i chi reoli a goruchwylio tîm amlddisgyblaeth a chymryd cyfrifoldeb am ddyrannu gwaith i aelodau'r tîm. Disgwylir i chi hwyluso sesiynau dysgu myfyriol gyda staff. Yn ogystal, mae'r rôl hefyd yn cynnwys swyddogaeth sicrhau a monitro ansawdd.

Disgwylir i chi ddod yn aelod o'r tîm rheoli Pobl Ddiamddiffyn.

Bydd hwn yn gyfle delfrydol i arwain tîm newydd i ddatblygu sgiliau wrth ymateb i anghenion amrywiol teuluoedd mewn argyfwng.

Disgwylir i chi weithio'n agos gyda'r Tîm Ymyrraeth Teulu a chyda'r rheolwyr tîm cyswllt a sesiynol.

Mae hwn yn gyfle cyffrous i ymuno ag awdurdod blaenllaw yng Nghymru sy'n cael ei gydnabod am arfer da a gwasanaethau arloesol.

Oherwydd natur y gwaith, bydd angen cael datgeliad boddhaol gan y Gwasanaeth Datgelu a Gwahardd (DBS).

Mae Conwy wedi ymrwymo i ddiogelu - bydd cymwysterau a geirdaon yn cael eu gwirio.

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Manylion y rheolwr ar gyfer trafodaeth anffurfiol: Cathy Mackenzie, Rheolwr adran dros dro Adain Gwasanaeth Pobl Ddiamddiffyn 01492 575332

Gofynion y Gymraeg: Mae'r gallu i gyfathrebu yn Gymraeg yn ddymunol ar gyfer y swydd hon. Mae Cyngor Bwrdeistref Sirol Conwy wedi ymrwymo i'w Safonau Iaith Gymraeg. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Mae Conwy wedi ymrwymo i gyfle cyfartal ac rydym yn croesawu ymgeiswyr o bob rhan o'r gymuned. Rydym yn darparu opsiwn i bobl anabl wneud cais mewn gwahanol fformatau. Cysylltwch â'r Tîm AD ar 01492 576129 i gael cyngor pellach.

This form is also available in English.