Rheolwr Tîm - Adnoddau Anabledd

Fel rheolwr tîm, byddwch yn gyfrifol am arwain gwaith rheoli a datblygu tîm o fewn yr Adain Adnoddau Anabledd ar ran Rheolwr y Gwasanaethau Anabledd Integredig.

Un o'r prif feysydd cyfrifoldeb fydd sicrhau eich bod chi'n hyrwyddo ac yn gwerthfawrogi 'Cefnogaeth Weithredol', 'Cefnogaeth Ymddygiad Cadarnhaol' a 'Lleihau Arferion sy'n Cyfyngu' fel dull canolog o alluogi unigolion i ymgysylltu mwy yn eu bywydau bob dydd; meithrin perthnasoedd cadarn gyda'r rhai o'u cwmpas nhw, datblygu sgiliau byw'n annibynnol a dod yn aelodau gweithredol o'u cymunedau drwy ddarparu gofal o ansawdd uchel.

Fel Rheolwr Tîm, byddwch chi'n dangos arweinyddiaeth ymarferol, weledol a thosturiol, a bydd gofyn i chi:
• Reoli darpariaeth cyfrifoldebau gweithredol
• Sicrhau bod gwasanaethau'n cael eu darparu yn unol â'r Ddeddf Gwasanaethau Cymdeithasol a Llesiant.
• Darparu gwybodaeth / data am y gweithlu a pherfformiad.

Bydd angen i'r Rheolwr Tîm ddangos, bod yn fodel rôl a grymuso staff hefyd er mwyn sicrhau:
• Eu bod nhw'n rhoi anghenion yr unigolyn wrth wraidd eu gofal, a sicrhau bod ganddyn nhw lais a rheolaeth dros gyrraedd canlyniadau sy'n eu helpu nhw i sicrhau lles.
• Bod pobl sy'n defnyddio'r gwasanaeth yn cael eu grymuso i gymryd mwy o ran yn y gwaith o ddylunio a darparu'r gwasanaeth drwy roi systemau cyfathrebu ar waith sy'n benodol i'r unigolyn, a fydd yn rhoi llais amlwg iddyn nhw ar yr hyn sy'n bwysig iddynt.

Bydd disgwyl i chi:
• Gweithio gyda'r Rheolwr Adain i weithredu cyfleoedd ar gyfer gwelliannau gwasanaeth sy'n darparu effeithlonrwydd a chynaliadwyedd wrth ddarparu gwasanaethau, gan gynnwys casglu adborth gan rai sy'r gwasanaeth, eu teulu a'u ffrindiau a budd-ddeiliaid perthnasol eraill.
• Hyrwyddo safon ymddygiad personol a phroffesiynol uchel iawn wrth gefnogi diwylliant ar draws y gwasanaeth sy'n wirioneddol gynnes, dilys, llawn ymddiriedaeth, gonest, dibynadwy, cyson a gofalgar.
• Goruchwylio a chynnig arweiniad yn y gweithle i gydlynwyr a gweithwyr cefnogi a sicrhau eu bod nhw'n gweithio'n ddiogel ac mewn modd sy'n bodloni'r safonau sy'n ofynnol gan Weithiwr Gofal Cymdeithasol dan God Ymddygiad Gofal Cymdeithasol Cymru.
• Sicrhau bod cynnal y gwasanaeth o ddydd i ddydd yn cael ei gyflawni mewn modd sy'n arwain at welliant parhaus yn y gwasanaeth fel bod 'pobl yn cael eu cefnogi i gyflawni'r cyfan y gallant; eu bod yn derbyn y gefnogaeth gywir ar yr amser cywir; eu bod yn ddiogel ac yn cael eu diogelu rhag camdriniaeth.'
• Meithrin a datblygu prosesau goruchwylio ac adolygu sy'n atgyfnerthu'n gyson ethos gwella parhaus gan yr holl staff.

Yr hyn rydym yn chwilio amdano gennych chi:
• Gwybodaeth o weithio gyda phobl anabl ar draws oes, gan gynnwys y sawl ag anghenion iechyd cymhleth, diagnosis deuol ac ymddygiad sy'n heriol.
• Gwybodaeth gadarn o gefnogaeth ymddygiad cadarnhaol a'r gallu i gyflawni cymhwyster lefel 4 mewn cefnogaeth ymddygiad cadarnhaol er mwyn arwain staff ac ymgorffori'r ffordd hon o weithio yn y gwasanaeth.
• Profiad blaenorol o reoli pobl o ran pob agwedd ar berfformiad a phresenoldeb.
• Gwybodaeth gadarn am ddulliau Cefnogaeth Weithredol, Cynllunio sy'n Canolbwyntio ar yr Unigolyn a gallu eu cynnwys yn arferion y tîm.

Mae'r swydd ar hyn o bryd yn rheoli ac yn arwain tîm staff i ddarparu cefnogaeth ar gyfer oedolion o fewn y Gwasanaethau Dydd ar gyfer rhag ag Anableddau.

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Manylion y rheolwr ar gyfer trafodaeth anffurfiol:

Fiona Dennison, Rheolwr Adain
( fiona.dennison@conwy.gov.uk / 01492 577772 )

Gofynion y Gymraeg: Mae'r gallu i gyfarthrebu yn y Gymraeg yn hanfodol ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd. Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Cliciwch yma i ddysgu am y manteision o ymuno â Thîm Conwy.

Dysgwch fwy am ein proses recriwtio drwy fynd i'n Tudalen Proses Recriwtio.

Rydym wedi ymrwymo i ddatblygu gweithlu amrywiol a thimoedd cynhwysol sy'n croesawu ystod eang o leisiau, profiadau, safbwyntiau a chefndiroedd. Mae creu gweithle sy'n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.

Croesawn ac anogwn ymgeiswyr o bob cefndir a phrofiadau.

Rydym yn Gyflogwr Hyderus o ran Anabledd. Os oes gennych anabledd wedi'i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda 'H' ar y Manylion am yr Unigolyn). Angen rhywfaint o gymorth gyda'ch cais? Mae gennym awgrymiadau, canllawiau a gwasanaethau cymorth i'ch helpu chi drwyddo .

Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch âr rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch âr Tîm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.

This form is also available in English.