Rheolwr Tîm Gwaith Cymdeithasol - Rhwydwaith Clwstwr Integredig Gogledd

Yn y rôl ganolog hon, byddwch yn darparu arweinyddiaeth broffesiynol, goruchwyliaeth weithredol ac arweiniad gwaith cymdeithasol arbenigol, gan ddarparu cymorth diogel, effeithiol sy'n canolbwyntio ar y person ar gyfer oedolion ag anghenion cymhleth, hirdymor. Byddwch yn goruchwylio ymarfer proffesiynol gweithwyr cymdeithasol, yn rheoli adnoddau'n gyfrifol, yn cynnal dyletswyddau diogelu, ac yn hyrwyddo safonau uchel drwy oruchwyliaeth, hyfforddiant a rheoli perfformiad.

Gan weithio ar y cyd o fewn model arweinyddiaeth matrics, byddwch yn cefnogi ac yn dirprwyo ar gyfer y Rheolwr Gwasanaeth Rhwydwaith Clwstwr Integredig, yn cyfrannu at ddatblygu strategol ar draws Gwasanaethau Oedolion, ac yn meithrin partneriaethau cryf gyda chydweithwyr iechyd, rhwydweithiau cymunedol a rhanddeiliaid ehangach.

Rydym yn chwilio am weithiwr cymdeithasol cofrestredig sydd â phrofiad ôl-gymhwyso sylweddol, sgiliau arweinyddiaeth amlwg, a dealltwriaeth drylwyr o ddeddfwriaeth, diogelu ac ymarfer sy'n seiliedig ar gryfderau. Byddwch yn hyderus wrth reoli sefyllfaoedd cymhleth, annog timau, ac ysgogi ymarfer gwaith cymdeithasol o ansawdd uchel sy'n canolbwyntio ar ganlyniadau.

Os ydych yn ymrwymedig i wella bywydau, annibyniaeth a llesiant oedolion yn ein cymunedau - ac am arwain tîm sy'n gwneud gwahaniaeth gwirioneddol, yna byddem wrth ein bodd yn clywed gennych.

Mae'r gallu i gyfarch cwsmeriaid drwy gyfrwng y Gymraeg yn un o'r gofynion ar gyfer y swydd hon.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Oedolion gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Mae trwydded yrru ddilys yn un o'r gofynion ar gyfer y swydd hon.

Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.

Dyddiad Cau: 4 Mawrth 2026

Dyddiad Llunio'r Rhestr Fer: 5 Mawrth 2026

Dyddiad y Cyfweliad: 16 Mawrth 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person