Mae'r rôl hon yn ganolog i'n hymrwymiad i sicrhau bod oedi neu symud diangen yn cael ei osgoi i blant sy'n barod i ddychwelyd at eu teuluoedd a / neu bobl gysylltiedig a bod ganddynt gynlluniau gofal a chymorth cadarn, realistig a chynaliadwy sy'n cefnogi teuluoedd i lwyddo yn y tymor hir ac yn atal y risg o ddychwelyd i'r gwasanaeth gofal.
Cyfrifoldebau allweddol
- Cynnal adolygiadau amlach o bobl ifanc sy'n derbyn gofal a darparu sicrwydd ansawdd a chraffu gwell ar gyfer plant sydd â chynlluniau ailuno neu ryddhau.
- Gweithio'n agos gyda thimau gwaith cymdeithasol, gwasanaethau cyfreithiol, a rhwydweithiau teuluol i sicrhau cynllunio amserol ac effeithiol.
- Cefnogi a chryfhau'r gwasanaeth gorchmynion gwarcheidiaeth arbennig presennol, gan wella'r amserlenni ar gyfer asesu a chwblhau.
- Darparu cyfnod o sicrhau ansawdd a goruchwyliaeth barhaus ar ôl rhyddhau i sicrhau bod cynlluniau'n parhau i fod yn effeithiol ac atal cau achosion yn rhy gynnar neu ddychwelyd i ofal.
- Cyfrannu at adolygu a datblygu polisi parhad a safonau ymarfer.
- Cyfrannu at ddatblygu a gweithredu fframwaith adrodd ar berfformiad i olrhain cynnydd o gynllunio ailuno i ryddhau.
- Arwain gwaith ymgynghori ac adborth gyda phlant a theuluoedd i werthuso effaith y model Swyddog Adolygu Annibynnol Arbenigol.
Amdanoch chi
- Yn weithiwr cymdeithasol cymwysedig gyda phrofiad helaeth mewn gofal cymdeithasol plant.
- Yn meddu ar ddealltwriaeth gref o gynllunio gofal, parhad, a fframweithiau cyfreithiol.
- Yn dangos sgiliau dadansoddi, cyfathrebu a gwneud penderfyniadau rhagorol.
- Wedi ymrwymo i ymarfer sy'n canolbwyntio ar y plentyn a gwelliant parhaus.
- Profiad o ran sicrhau ansawdd, craffu, neu swyddogaethau Swyddog Adolygu Annibynnol (dymunol ond nid hanfodol).
Yr hyn yr ydym yn ei gynnig
- Cyfle i lunio ac arwain rôl arloesol o fewn tîm cefnogol a blaengar.
- Mynediad at ddatblygiad proffesiynol parhaus a goruchwyliaeth fyfyriol.
- Trefniadau gweithio hyblyg ac ymrwymiad cryf i gydbwysedd rhwng bywyd a gwaith.
- Y cyfle i wneud gwahaniaeth gwirioneddol ym mywydau plant a theuluoedd.
Am drafodaeth anffurfiol am y rôl, cysylltwch â Helen Goodridge, Rheolwr Gwasanaeth, Diogelu a Sicrhau Ansawdd helen.goodridge@pembrokeshire.gov.uk neu Martin Reynolds, Rheolwr Tîm Diogelu a Sicrhau Ansawdd martin.reynolds@pembrokeshire.gov.uk
Cyfeiriwch at y disgrifiad swydd uchod am ragor o fanylion am y swydd wag hon a manyleb y person.Gwiriadau CyflogaethMae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.
Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.
Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.
Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.DiogeluMae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.
Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.
Cymorth a Gwybodaeth Ychwanegol - Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
- Cysylltwch âm Recriwtio os oes gennych unrhyw ymholiadau yn ymwneud âr swydd wag hon drwy anfon e-bost at recriwtio@sir-benfro.gov.uk
- Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
- Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.
Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.
