Swyddog Cefnogi Busnes & MIS

Byddwch yn gweithio gydag ysgolion Conwy yn unol â'r Cytundeb Lefel Gwasanaeth a thîm yr Adain Gwybodaeth Rheoli i reoli a mewnbynnu data ysgolion, a byddwch yn cysylltu â swyddogion addysg ac ysgolion yn ddyddiol i sicrhau fod safon y data'n cael ei chynnal a bod adroddiadau data cywir yn cael eu cynhyrchu.

Byddwch yn gyfrifol am ddiweddaru systemau Adain Gwybodaeth Rheoli ysgolion yn rheolaidd. Bydd hyn yn cynnwys ychwanegu dysgwyr newydd i'r system a diweddaru gwybodaeth bresennol yn unol â gofynion yr ysgol.
Byddwn yn darparu'r hyfforddiant perthnasol i chi ac yn eich cefnogi i gyflawni'r rôl hon yn hyderus. Er mwyn cael eich ystyried ar gyfer y swydd hon, byddwch angen lefel uchel o uniondeb, gwytnwch personol, yn gallu cadw eich pwyll o dan bwysau a rhoi sylw i fanylion.
Yn olaf, bydd angen i chi fod yn gyfathrebwr da gyda sgiliau Microsoft Office cadarn, a brwdfrydedd go iawn am ddarparu gwasanaeth rhagorol i gwsmeriaid.

Mae'r gallu i gyfathrebu'n effeithiol, ar lafar ac yn ysgrifenedig, yn Saesneg yn hanfodol, ac mae'r gallu i gyfathrebu yn Gymraeg yn dymunol ar gyfer y swydd hon.

Mae'l hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Manylion y rheolwr ar gyfer trafodaeth anffurfiol: Andrew Nixon Rheolwr Adain - Cymorth Busnes a Gweinyddu 01492 575587 andrew.nixon1@conwy.gov.uk

Gofynion y Gymraeg: Mae'r gallu i gyfarthrebu yn y Gymraeg yn ddymunol ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd. Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Cliciwch yma i ddysgu am y manteision o ymuno â Thîm Conwy.

Dysgwch fwy am ein proses recriwtio drwy fynd i'n Tudalen Proses Recriwtio.

Rydym wedi ymrwymo i ddatblygu gweithlu amrywiol a thimoedd cynhwysol sy'n croesawu ystod eang o leisiau, profiadau, safbwyntiau a chefndiroedd. Mae creu gweithle sy'n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.

Croesawn ac anogwn ymgeiswyr o bob cefndir a phrofiadau.

Rydym yn Gyflogwr Hyderus o ran Anabledd. Os oes gennych anabledd wedi'i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda 'H' ar y Manylion am yr Unigolyn). Angen rhywfaint o gymorth gyda'ch cais? Mae gennym awgrymiadau, canllawiau a gwasanaethau cymorth i'ch helpu chi drwyddo .

Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch âr rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch âr Tîm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.

This form is also available in English.