Swyddog Cefnogi System

Ydych chi'n chwilio am gyfle i ddangos eich potensial a chymryd y cam nesaf yn eich gyrfa?

Fel un o gyflogwyr mwyaf yr ardal, rydym eisiau i chi ymuno â'n tîm cyfeillgar sy'n gweithio'n agos, i ddechrau gweithio fel Swyddog Cefnogi System. Byddwch yn rhan o dîm sy'n gyfrifol am weinyddu'r systemau gwybodaeth Gofal Cymdeithasol ac Addysg.

Ymhlith dyletswyddau Swyddog Cefnogi System mae:

• Darparu hyfforddiant cynefino i aelodau newydd o staff.
• Hyfforddiant parhaus i staff presennol, yn cynnwys cyflwyno swyddogaethau newydd.
• Gweinyddu'r system, yn cynnwys staffio desg gymorth y tîm ar rota.
• Cynorthwyo gyda gwaith dilysu ac archwilio.
• Helpu'r tîm i ddeall gofynion busnes a thechnegol yr adran i alluogi datblygiad parhaus ei system wybodaeth cleientiaid.

Mae cymorth ar gael o'r diwrnod cyntaf. Fe gewch eich mentora a'ch cefnogi'n llwyr gan eich cydweithwyr wrth gyflawni amrywiaeth o dasgau, a bydd pob diwrnod yn wahanol ac yn ddifyr.

Un o fanteision y swydd hon yw'r dull gweithio hybrid, sy'n golygu fod cydbwysedd rhwng gweithio gartref ac mewn swyddfa newydd sbon ym Mae Colwyn.

Rydym yn hyrwyddo ac yn deall pwysigrwydd cydbwysedd cadarnhaol ac iach rhwng gwaith a bywyd a gallwn gynnig amryw drefniadau gweithio'n hyblyg, y gallwn eu trafod yn y cyfweliad.

Cymerwch olwg ar y rhestr o gyfrifoldebau a chymwysterau yn y swydd-ddisgrifiad a'r manylion am yr unigolyn. Er mai hon yw ein rhestr ddelfrydol, byddwn yn barod i'ch ystyried os byddwch yn gallu dangos digon o brofiad, talent a menter.

Ffoniwch Robert Owen, ein Rheolwr Systemau Busnes i gael sgwrs am y swydd ac os yw'r swydd a'r lleoliad at eich dant chi, cliciwch i wneud cais rŵan.

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Manylion y rheolwr ar gyfer trafodaeth anffurfiol:

Robert Owen, Rheolwr Systemau Busnes

(01492 575644 / robert.owen@conwy.gov.uk)

Gofynion y Gymraeg: Mae'r gallu i gyfathrebu yn Gymraeg yn ddymunol ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Mae Conwy wedi ymrwymo i gyfle cyfartal ac rydym yn croesawu ymgeiswyr o bob rhan o'r gymuned. Rydym yn darparu opsiwn i bobl anabl wneud cais mewn gwahanol fformatau. Cysylltwch â'r Tîm AD ar 01492 576129 i gael cyngor pellach.

This form is also available in English.