Swyddog Cynllunio a Chomisiynu - Mewnol yn Unig

Dros dro am 3 blynedd
Mewnol yn Unig
Addas ar gyfer cyfle secondiad
Dyma gyfle i ymuno â thîm prysur a chyfeillgar o fewn yr adran Gwasanaethau Cymdeithasol. Mae'r tîm yn cwmpasu ystod o wasanaethau ar draws Gofal Cymdeithasol Oedolion a Phlant - gofal cartref, gofal preswyl, byw â chymorth, gofal dydd a gwasanaethau eraill gan ddarparwyr trydydd sector.
Bydd deiliad y swydd ar gyfer y contract hwn yn canolbwyntio ar ymchwilio, dylunio a gweithredu gwasanaethau digidol ar draws yr adran, gan ddefnyddio'r dechnoleg ddiweddaraf (gan gynnwys Deallusrwydd Artiffisial) i wella gwasanaethau Gofal Cymdeithasol i ddinasyddion Wrecsam a dod ag effeithlonrwydd i'r adran.
Rydym yn chwilio am berson sydd â phrofiad o reoli prosiectau, sy'n wybodus am weithredu atebion digidol, sydd wedi'i ysgogi i sicrhau newid, ac sydd â sgiliau cyfathrebu rhagorol.
Mae angen sgiliau ysgrifennu adroddiadau cryf, gan y byddwch yn ysgrifennu adroddiadau ar gyfer ystod o randdeiliaid. Rhaid i chi hefyd allu deall a defnyddio deddfwriaeth, rheoliadau a pholisi i gefnogi'r mentrau digidol a sicrhau eu bod yn aros o fewn canllawiau cyfreithiol a moesegol.
Am ragor o wybodaeth neu sgwrs am y rôl, cysylltwch â Patrick Lyall, Arweinydd Comisiynu Dros Dro, drwy e-bost i Patrick.lyall@wrexham.gov.uk neu cysylltwch â 01978 298 667 a gofynnwch am Patrick Lyall.
Mae'r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.
Mae'r Cyngor yn ymrwymedig i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.

Eitemau wedi'u Llwytho i Lawr:

Job Desc... (.DOC) (7kb) , Swydd-dd... (.docx) (12kb) , Manyleb ... (.docx) (14kb) , Person S... (.DOC) (9kb)