Swyddog Data Perfformiad Dechrau'n Deg (Ymgeiswyr mewnol yn unig)

Ynglŷn â'r swydd wag

Cyfeirnod y Swydd Wag: 2841

Sefydliad:

Cyngor Sir Caerfyrddin

Nifer y swyddi gwag:

1

Math o gontract:

Dros Dro/Secondiad - Amser Llawn

Dyddiad gorffen y contract:

30 Medi 2028

Lleoliad:

Llanelli

Gradd:

Gradd G

Cyflog:

£32,061 - £36,363

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£16.62 - £18.85

Oriau Contract:

37

Dewch i ymuno â'n tîm

Mae Rhaglen Dechrau'n Deg Sir Gaerfyrddin yn chwilio am Swyddog Data Perfformiad trefnus, dadansoddol a hunangymhellol iawn i ymuno â'n tîm. Mae hwn yn gyfle gwych i unigolyn sydd â sgiliau data cryf sydd wedi ymrwymo i gefnogi canlyniadau gwell i blant a theuluoedd.

Bydd y Swyddog Data Perfformiad Dechrau'n Deg yn chwarae rôl hanfodol wrth gynnal systemau data o ansawdd uchel, cefnogi monitro perfformiad, a sicrhau adrodd cywir ac amserol ar draws y rhaglen Dechrau'n Deg. Byddwch yn gweithio'n agos gyda thimau mewnol ac asiantaethau partner i gefnogi gwneud penderfyniadau sy'n seiliedig ar dystiolaeth a gwella gwasanaeth parhaus.

Rydyn ni'n chwilio am rywun sy'n drefnus iawn, sy'n gallu rheoli blaenoriaethau cystadleuol, a sicrhau cywirdeb o dan bwysau. Bydd yr ymgeisydd delfrydol yn dod â sgiliau TG a digidol rhagorol, gyda'r hyder i ddefnyddio ystod o gronfeydd data, fel Eclipse, yn ogystal â chymwysiadau Microsoft. Bydd yn dangos sylw cryf i fanylder ymhob agwedd ar fewnbynnu data, dilysu, ac adrodd, a meddu ar sgiliau cyfathrebu ysgrifenedig rhagorol, gan ei alluogi i gynhyrchu dogfennaeth glir, cywir a phroffesiynol. Mae'r rôl hefyd yn gofyn am unigolyn rhagweithiol â chymhelliant cryf sy'n gallu gweithio'n effeithiol yn annibynnol ac fel rhan o dîm ehangach.

Rydym wedi ymrwymo i gefnogi cydbwysedd iach rhwng bywyd a gwaith ac yn cynnig trefniadau gweithio hyblyg sy'n cyd-fynd ag anghenion y gwasanaeth. Bydd yr ymgeisydd llwyddiannus yn cael cefnogaeth barhaus, hyfforddiant a chyfleoedd datblygu i ennill profiad pellach a chymwysterau perthnasol mewn rheoli perfformiad a data.

Sylwer: Darllenwch y proffil swydd yn ofalus cyn gwneud cais. Rhaid i'ch datganiad ategol gynnwys enghreifftiau clir, ysgrifenedig sy'n dangos sut rydych chi'n bodloni'r meini prawf hanfodol a dymunol. Rydym yn annog ymgeiswyr i esbonio beth wnaethoch chi, pam y gwnaethoch hynny, a beth oedd y canlyniad.

I gael sgwrs anffurfiol, cysylltwch â Paola Perkins 01554 742445 pperkins@sirgar.gov.uk

Disgrifiad Swydd:

019736.pdf - 325KB ~~EFORM_FILE_NEW_WINDOW~~

Lefel Sgiliau Cymraeg - Siarad:

Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 23/03/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd
Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.