Swyddog Gofal Plant Preswyl

Mae'r timau’n gweithio mewn ffordd sy’n ystyriol o drawma ac sy’n canolbwyntio ar y plentyn trwy feithrin cysylltiadau cadarnhaol ac ymddiriedaeth gyda'n pobl ifanc a allai arddangos anawsterau cymdeithasol, emosiynol ac ymddygiadol oherwydd trawma andwyol a'u cynorthwyo gyda'u nodau a'u deilliannau personol.

Fel Swyddog Gofal Plant Preswyl, byddwch yn rhan o dîm ymroddedig sy'n cynnig gofal 24 awr y dydd mewn amgylchedd diogel, cefnogol a meithringar. Mae'r rôl ddeinamig hon yn cynnig patrwm gweithio amrywiol, gan gynnwys nosweithiau, penwythnosau, a shifftiau cysgu dros nos.

Mae taliadau chwyddo hael yn cael eu talu am weithio gyda’r hwyr, ar benwythnosau, yn ystod gwyliau banc a dyletswyddau cysgu dros nos, yn ychwanegol at eich cyflog. Byddwch yn derbyn taliad chwyddo ychwanegol o 30% ar ôl 8pm yn ystod yr wythnos, 50% ar benwythnosau a £40.80 ar gyfer dyletswyddau cysgu dros nos.

Rydym yn chwilio am unigolion brwdfrydig, gofalgar sy’n:
• Awyddus i helpu plant a phobl ifanc i ffynnu.
• Hoffi gwneud gwahaniaeth – byddwch yn helpu i sicrhau bod plant a phobl ifanc yn derbyn cymorth personol o ansawdd uchel trwy gydol eu hamser yn ein cartrefi.
• Dathlu cyflawniadau – byddwch chi'n eu cefnogi i gyrraedd canlyniadau a cherrig milltir cadarnhaol, mawr a bach.
• Adeiladu cysylltiadau ystyrlon – byddwch chi'n ffurfio perthnasoedd cadarnhaol, priodol sy'n helpu pobl ifanc i deimlo'n ddiogel a’u bod yn cael eu gwerthfawrogi.
• Llawn egni a brwdfrydedd – byddwch yno i rannu hwyl a chyffro pob cam eu datblygiad.

Mae pob diwrnod yn wahanol, a byddwch yn wynebu heriau newydd – mae angen aelodau o staff arnom sydd ag agwedd gadarnhaol, sy'n barod i fynd y filltir ychwanegol dros y bobl ifanc yn eu gofal.

Mae’r swydd yn destun Gwiriad Manwl gan y Gwasanaeth Datgelu a Gwahardd.