Swyddog Monitro

Bydd yr ymgeisydd llwyddiannus yn ymuno â Gwasanaeth Safonau Ansawdd Conwy, gyda chyfrifoldeb am fonitro gwasanaethau a gomisiynir yn allanol, gan gynnwys Lleoliadau Preswyl a Nyrsio, Asiantaethau Gofal yn y Cartref, Prosiectau Byw â Chymorth 24 Awr a Lleoliadau Oedolion/Rhannu Bywydau.

Rhan allweddol o'r swydd yw cynnal ymweliadau monitro â sefydliadau allanol, cynhyrchu adroddiadau ansawdd yn seiliedig ar arsylwadau a'r safonau a gyflawnir, agwedd allweddol ar y swydd yw sicrhau bod pobl ddiamddiffyn yn cael eu diogelu.

Yn ddelfrydol dylech fod â phrofiad o weithio yn y sector gofal gyda phrofiad a dealltwriaeth o sylfeini gofal a darparu gofal. Rhaid bod gennych wybodaeth am ddeddfwriaeth a rheoliadau cyfredol mewn perthynas â gofal a darpariaethau gofal. Rhaid i chi ddeall a gallu dangos pwysigrwydd gofal o ansawdd da a chynnwys llais yr unigolyn.

Mae gallu cyflawni dyletswyddau tu allan i oriau gweithio arferol yn ofynnol.

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Manylion y rheolwr ar gyfer trafodaeth anffurfiol: Nicola Eccles, Rheolwr Tîm ( Nicola.eccles1@conwy.gov.uk / 01492 575350)

Gofynion y Gymraeg: Mae'r gallu i gyfarthrebu yn y Gymraeg yn hanfodol ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd. Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Cliciwch yma i ddysgu am y manteision o ymuno â Thîm Conwy.

Dysgwch fwy am ein proses recriwtio drwy fynd i'n Tudalen Proses Recriwtio.

Rydym wedi ymrwymo i ddatblygu gweithlu amrywiol a thimoedd cynhwysol sy'n croesawu ystod eang o leisiau, profiadau, safbwyntiau a chefndiroedd. Mae creu gweithle sy'n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.

Croesawn ac anogwn ymgeiswyr o bob cefndir a phrofiadau.

Rydym yn Gyflogwr Hyderus o ran Anabledd. Os oes gennych anabledd wedi'i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda 'H' ar y Manylion am yr Unigolyn). Angen rhywfaint o gymorth gyda'ch cais? Mae gennym awgrymiadau, canllawiau a gwasanaethau cymorth i'ch helpu chi drwyddo .

Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch â'r rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch â'r Tîm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.

This form is also available in English.