Uwch Weithiwr Cymdeithasol Ymlaen

Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth

Mae Cyngor Gwynedd yn gweithredu'n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i'r ymgeisydd gyrraedd y lefel ieithyddol sy'n cael ei nodi fel un o'r sgiliau hanfodol yn y Manylion Person.

Rydym yn annog pob ymgeisydd am swydd gyda'r Cyngor i gyflwyno ceisiadau yn Gymraeg neu yn ddwyieithog.

(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i'r ymgeisydd ystyried yn ofalus beth yw gofynion iaith y swydd a'r sefydliad ac a fyddai cyflwyno cais yn uniaith Gymraeg yn fwy addas.)

Am sgwrs anffurfiol gellir cysylltu â Gwenan Medi Hughes ar 01286679369

Ffurflenni cais a manylion pellach gan , Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH

Ffôn: 01286 679076

E-Bost: Swyddi@gwynedd.llyw.cymru

DYDDIAD C AU: 28.02.2025

Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus

Os yn llwyddiannus i fod ar y rhestr fer am gyfweliad, byddwn yn cysylltu a chwi drwy'r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.

Pecyn recriwtio Gweithiwr Cymdeithasol tîm Trothwy.pdf

Manylion Person

Nodweddion personol
Hanfodol
Gallu i weithio'n effeithiol fel aelod o dîm ac ar ben ei hun.
Yn berson dibynadwy a hyblyg sy'n awyddus i weithio mewn dulliau newydd a creadigol.
Brwdfrydig, hunan dibynnol a phendant.
Cefnogi arferion gwrth-wahaniaethol
Cyfathrebu'n effeithiol gyda defnyddwyr gwasanaeth, asiantaethau eraill a darparwyr
Meddu ar siliau negodi cryf
Ymrwymedig i werthoedd, egwyddorion, nodau ac amcanion y gwasanaeth.
Person sy'n awyddus i ddysgu a datblygu
Gallu cyfathrebu yn effeithiol a chreu perthynas efo unigolion sy'n defnyddio gwasanaethau , plant a theuluoedd .
Meddyliwr creadigol a chyfathrebwr effeithiol gyda'r gallu i ysbrydoli'r gweithlu
Diddordeb a Gwybodaeth am ddatblygiad proffesiynol ac awydd i ddysgu eraill
Gonestrwydd, pendantrwydd a hyblygrwydd

Dymunol
-

Cymwysterau a hyfforddiant perthnasol
Hanfodol
Cymhwyster Gwaith Cymdeithasol perthnasol yn unol â Fframwaith
Cymwysterau Gofal Cymdeithasol Cymru
Wedi cofrestru gyda Chyngor Gofal Cymru fel Gweithiwr Cymdeithasol
Cymhwyster Cadarnhau (Consolidation 3 Blynedd Gyntaf mewn
Ymarfer) (neu brofiad cyfatebol)

Dymunol
Cymhwyster Addysgwr Ymarfer
Cymhwyster Cydnabyddedig Deddf Iechyd Meddwl AMHP
Cymhwyster Asesydd Budd (BIA)
Cymhwyster Rheoli neu yn ymrwymo i gwblhau o fewn 3 blynedd

Profiad perthnasol
Hanfodol
Profiad o weithio mewn tîm
Profiad o weithio yn uniongyrchol efo oedolion/plant /pobl ifanc a theuluoedd
Profiad o asesu anghenion a llunio cynllun gofal
Profiad o weithio efo asiantaethau eraill yn effeithiol
Profiad o ddelio efo achosion diogelu
Profiad o wneud gwaith llys
Profiad o waith gofal cymunedol gydag oedolion a'u gofalwyr.
Profiad o ddelio efo achosion cymhleth
Profiad o weithio i ddeddfwriaethau gwahanol
Profiad o fentora o fewn y rôl gwaith Cymdeithasol
Profiad o reoli risgiau ac arddangos barn broffesiynol gadar

Dymunol
Profiad o gyfrannu i gynlluniau /prosiectau
Profiad o oruchwaylio staff

Sgiliau a gwybodaeth arbenigol
Hanfodol
Gallu i ymateb yn gyflym ac yn effeithiol i gyfeiriadau a blaenoriaethu y addas.
Gallu i ymgymryd ag asesiadau cymdeithasol a chreu cynlluniau gofal.
Gwybodaeth o ddeddfwriaeth berthnasol, sgiliau rheoli gofal,dealltwriaeth o arferion gwaith cymdeithasol da.
Gallu i ddefnyddio system wybodaeth gyfrifiadurol mewn perthynas ag anghenion Gwasanaeth
Gallu derbyn goruchwyliaeth ac arweiniad yn effeithiol er budd y Gwasanaeth a datblygiad personol
Sylfaen sgiliau amrywiol yn seiliedig ar brofiad o weithio efo unigolion sy'n defnyddio gwasanaethau , plant a theuluoedd .
Sgiliau gwaith llys (Swydd maes plant)
Sgiliau mentora gweithwyr ar amryw o feysydd gwahanol
Sgiliau cyflwyno a chadeirio
Sgiliau negodi da

Dymunol
-

Anghenion ieithyddol
HANFODOL

Gwrando a Siarad - Lefel Uwch
Gallu dilyn sgwrs neu drafodaeth drwy gyfrwng y Gymraeg a'r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn.Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a'r Saesneg.

Darllen a Deall - Lefel Uwch
Gallu deall Cymraeg a Saesneg ysgrifenedig safonol, ffurfiol ac anffurfiol.Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a'r Saesneg er mwyn cyflawni'r swydd.

Ysgrifennu - Lefel Uwch
Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a'r Saesneg. (Mae'n bosib cael cymorth i wirio'r iaith)

Swydd Ddisgrifiad

Pwrpas y Swydd
•I weithio gyda phlant a'u teuluoedd yn unol a'r Ddeddf Plant 1989, Gweithdrefau Diogelu Cymru , Deddf Gwasanaethau Cymdeithasol a Llesiant (Cymru) 2014 a Fframwaith Asesu Plant Mewn Angen a'u teuluoedd.
•Sicrhau bod pobl Gwynedd yn ganolog i bopeth yr ydan ni yn ei wneud.

Cyfrifoldeb am Adnoddau. . e.e. staff, cyllid, offer
•Cyllid - Darparu cyngor ac arweiniad ymarferol a phriodol i ddefnyddwyr gwasanaeth er hwyluso rheolaeth cyllid effeithiol yn y Gwasanaeth.
•Offer - Cyfrifoldeb am unrhyw offer arbenigol a ddefnyddir i gyflawni y swydd

Prif Ddyletswyddau.
Dyletswyddau Cyffredinol
•Ymarfer o fewn y fframweithiau deddfwriaethol a'r canllawiau perthnasol sy'n sail i ddarpariaeth gwasanaethau cymdeithasol yng Nghymru
•Gweithredu'r cod ymarfer proffesiynol fel gweithiwr proffesiynol cofrestredig
•Meddu ar y wybodaeth ddiweddaraf a chynnal eich datblygiad proffesiynol eich hun. Cynghori aelodau'r tîm ar feysydd gwaith arbenigol.
•Goruchwylio nifer cyfyngedig o aelodau tîm yn unol â'r disgwyliadau yn y polisi goruchwylio a'r polisïau adnoddau dynol. Nodi cryfderau a meysydd datblygiadol ar gyfer staff trwy oruchwylio a gwerthuso parhaus. Defnyddio sgiliau datblygu a rheoli yn effeithiol i ddatblygu perfformiad staff yn barhaus.
•Rheoli eich gwaith eich hun a bod yn atebol amdano.
•Cydweithio o fewn timau, rhwydweithiau a systemau amlddisgyblaethol ac aml-sefydliadol. Cynghori cydweithwyr ar feysydd gwaith cymhleth. Cynrychioli'r awdurdod lleol mewn cyfarfodydd perthnasol.
•Arfer barn broffesiynol a gwneud penderfyniadau mewn sefyllfaoedd cymhleth. Cefnogi cydweithwyr ar wahanol adegau yn eu gyrfa i ddatblygu hyder ynghylch barn broffesiynol trwy'r rôl oruchwylio.
•Rheoli materion moesegol, cyfyng-gyngor a gwrthdaro mewn sefyllfaoedd cymhleth. Cefnogi gweithwyr cymdeithasol ar wahanol gamau o'u gyrfaoedd i reoli materion mwy cymhleth trwy'r rôl oruchwylio.
•Paratoi a chyflwyno adroddiadau a chofnodion proffesiynol gan sicrhau bod gwybodaeth yn gywir, yn gyson, ac yn cael ei rhannu'n ddiogel ac yn briodol. Cefnogi gweithwyr cymdeithasol ar wahanol gamau o'u gyrfa i ddatblygu eu sgiliau ysgrifennu adroddiadau a chadw cofnodion trwy'r rôl oruchwylio.
•Cefnogi pobl i gymryd rhan mewn prosesau gwneud penderfyniadau trwy'r rôl oruchwylio.
•Eiriol gydag ac ar ran unigolion, teuluoedd, cynhalwyr, grwpiau a chymunedau.
•Cydweithio â phobl sydd angen gofal a chymorth a gweithwyr proffesiynol eraill mewn sefyllfaoedd cymhleth, a chefnogi cydweithwyr gyda chyngor ac arweiniad ar wahanol gamau yn eu gyrfa trwy'r rôl oruchwylio.
•Cynnal asesiadau ac ymarfer sy'n seiliedig ar gryfder mewn ffordd sy'n hyrwyddo hunan benderfyniad, annibyniaeth a grymuso a chefnogi cydweithwyr gyda chyngor ac arweiniad ar wahanol gamau yn eu gyrfa. Cefnogi gweithwyr cymdeithasol ar wahanol adegau yn eu gyrfa o amgylch y maes gwaith hwn trwy'r rôl oruchwylio.
•Cynnal asesiad sy'n canolbwyntio ar ganlyniadau gan ddefnyddio sgwrs 'Beth sy'n Bwysig' i nodi beth sy'n bwysig i'r unigolyn, anghenion cymwys a datblygu cynlluniau sy'n canolbwyntio ar ganlyniadau sy'n hwyluso gofal a chymorth.
•Paratoi, cynhyrchu, gweithredu a gwerthuso cynlluniau gydag unigolion, teuluoedd, gofalwyr, grwpiau, cymunedau a chydweithwyr proffesiynol. Cefnogi gweithwyr cymdeithasol ar wahanol adegau yn eu gyrfa o amgylch y maes gwaith hwn o fewn rôl oruchwylio.
•Nodi, asesu ac ymchwilio i Oedolyn neu Blentyn sy'n wynebu risg yn unol â deddfwriaeth berthnasol a Gweithdrefnau Diogelu Cymru. Cefnogi gweithwyr cymdeithasol ar wahanol adegau yn eu gyrfaoedd i ddatblygu eu sgiliau a gwneud penderfyniadau yn ymwneud â gweithio ym maes diogelu o fewn rôl oruchwylio.
•Bod yn fodel rôl a rhannu arfer da, cyngor a chefnogaeth i alluogi cydweithwyr tîm, gweithwyr cymdeithasol llai
profiadol i ddatblygu eu gyrfaoedd. Bydd hyn yn cynnwys mentora, cydweithio ar achosion a chefnogi sicrwydd ansawdd y gwasanaeth trwy archwilio a samplu ffeiliau ac ymarfer a chynghori cyd-weithwyr cymdeithasol ar feysydd gwaith arbenigol o fewn y rôl oruchwylio.
•Ysgogi, annog a grymuso staff trwy ddirprwyo gwaith yn effeithiol a chreu amgylchedd o barch a chydweithio. Rhoi cyfeiriad ac adborth i staff trwy rannu'r weledigaeth yn effeithiol.
•Rheoli defnydd effeithlon o adnoddau gan gynnwys sgiliau a gwybodaeth staff.
•Dyrannu gwaith yn briodol. Ystyried brys a blaenoriaethu mewn modd amserol.
•Cyfrannu at ac arwain ar brosiectau yn lleol ac yn rhanbarthol.
•Cyfrannu at yr agenda cynllunio'r Gweithlu trwy gydlynu'r broses lleoli myfyrwyr blynyddol o fewn y tîm.

Dyletswyddau Lleol
•Arwain ar faes gwaith penodol o fewn y gwasanaeth (Gwaith asesu llys ar gyfer diddymu gorchmynion gofal a Gorchymyn Gwarcheidwad Arbennig (SGO).
•Rhoi arweiniad gweithredol ac arwain/rheoli newid i uchafu'r cyfleoedd i gael plant allan o'r sustem gofal i'r timau o fewn yr adran sy'n ymwneud a phlant mewn gofal.
•Gweithredu fel ymgynghorydd, gan roi cefnogaeth ac arweiniad i aelodau eraill o'r gwasanaeth Trobwynt yn ôl yr angen.
•Cyfrannu at ddatblygu'r Gwasanaeth a bod yn atebol am fonitro perfformiad.
•Mynychu, ffurfio ac arwain ar fforymau perthnasol gyda cynrychiolwyr o wahanol dimau/awdurdodau, gan gynnwys partneriaid megis AFKA Cymru Grwp Arbennig unigolion cysylltiedig/Gwarcheidwad Arbennig (SGO) sy'n adlewyrchu polisïau a chyfeiriad cenedlaethol allweddol.
•Cael sgyrsiau adlewyrchol ac ystyrlon gyda theuluoedd er mwyn asesu a ydynt wedi gwneud yr holl newidiadau angenrheidiol a chynnal y newidiadau angenrheidiol i ddiwallu anghenion eu plentyn a diogelu eu lles.
•Cael sgyrsiau medrus a meddylgar sy'n canolbwyntio ar ddatrys problemau cyswllt neu unrhyw angen cymorth cymhleth arall rhwng teuluoedd, drwy gydweithio a sefydlu canlyniadau cynaliadwy i'r plentyn a'r gofalwyr.
•Cwblhau asesiad cynhwysfawr gofal perthynas/cysylltiedig/ neu asesiad arall a chreu cynllun Cymorth Gwarcheidiaeth Arbennig, neu unrhyw gynllun gofal arall (megis Gorchymyn Goruchwylio neu Gofal a Chymorth) sy'n ofynnol gan y llys.
•Gweithio gyda phlant a'u teuluoedd/gofalwyr tuag at sefydlogrwydd ac annibyniaeth oddi wrth Wasanaethau.

Dyletswyddau Eraill
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â'r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau'r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â'r Cynllun Rheoli Carbon ac annog eraill i weithredu'n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy'n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin

Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
•Gweithio oriau anghymdeithasol yn achlysurol yn ôl yr angen.
•Bydd disgwyliad i ddeilydd y swydd fod yn rhan o unrhyw drefniadau gaiff eu sefydlu ar sail rota