Bydd y gwasanaeth yn canolbwyntio ar y trothwy angen ac yn blaenoriaethu'r plant hynny sydd yn y perygl mwyaf. Darperir cymorth dwys i deuluoedd sydd â phlentyn neu blant sydd eisoes yn destun Cynllun Amddiffyn Plant, Cynllun Plentyn sy'n Derbyn Gofal neu Gynllun Gofal a Chymorth. Bydd y Gwasanaethau Integredig Cymorth i Deuluoedd yn gweithio gyda'r teulu ac aelodau unigol o'r teulu i gyflawni a chynnal newid teuluol sy'n seiliedig ar ysgogi'r teulu i osod nodau teuluol a chyflawni patrymau magu plant cadarnhaol gwell a chryfach.
Mae'r Gwasanaeth Integredig Cymorth i Deuluoedd yn goruchwylio darpariaeth effeithiol ein Tîm Integredig Cymorth i Deuluoedd ac Ymarferwyr Ar Ffiniau Gofal amlasiantaeth sy'n gweithio mewn partneriaeth gyda phlant, teuluoedd, gofalwyr a rhwydweithiau cymorth proffesiynol i nodi'r hyn sy'n bwysig iddyn nhw ac i ddyfeisio cynlluniau diogelwch a llesiant i wella diogelwch a rheoli risg er mwyn galluogi defnyddwyr gwasanaethau i gyflawni canlyniadau cadarnhaol i'w teuluoedd. Mae'r tîm yn canolbwyntio ar adeiladu ar gryfderau unigolion a'u teuluoedd o fewn eu cymunedau eu hunain i leihau eu hangen am ymyrraeth statudol gan weithwyr cymdeithasol, ac felly i'w galluogi i fyw'n annibynnol ar ymyrraeth gan wasanaethau.
Bydd deiliad y swydd yn gyfrifol am lwyth achosion teuluoedd sy'n cael eu cefnogi gan y tîm ochr yn ochr â darparu goruchwyliaeth i nifer o aelodau'm i sicrhau effeithiolrwydd eu gwaith ac i gefnogi eu datblygiad a'u twf o fewn y tîm. Mae gan y tîm gyfrifoldeb i gyflwyno hyfforddiant a gweithdai sy'n ymwneud ag ymarfer y gall deiliad y swydd fod yn eu cefnogi.
Bydd angen i ymgeiswyr fod wedi cymhwyso mewn gwaith cymdeithasol, gyda thair blynedd o brofiad ar ôl cymhwyso ac wedi cofrestru fel gweithiwr cymdeithasol gyda Gofal Cymdeithasol Cymru. Bydd angen gwybodaeth ymarferol arnoch am Ddeddf Gwasanaethau Cymdeithasol a Llesiant (Cymru) 2014 a Gweithdrefnau Diogelu Cymru 2019 a Chonfensiwn y Cenhedloedd Unedig ar Hawliau'r Plentyn. Mae hefyd angen dealltwriaeth dda a gwybodaeth ymarferol am gyf-weld ysgogiadol, arwyddion diogelwch ac ymarfer sy'n canolbwyntio ar ddatrysiadau i'ch galluogi i gyflawni'r rôl.
Lleolir y tîm yn Neuadd y Sir, Hwlffordd ond bydd yn darparu gwasanaeth ar gyfer y sir gyfan. Er y bydd gan y gwasanaeth man gwaith canolog mae'r Tîm Integredig Cymorth i Deuluoedd wedi mabwysiadu trefniadau gweithio ystwyth i weithio ochr yn ochr â'r timau gofal plant. Mae'r meini prawf cymhwystra ar gyfer mynediad at wasanaeth y Tîm Integredig Cymorth i Deuluoedd yn cynnwys y canlynol:
* Rhiant yn Camddefnyddio Sylweddau
* Teulu mewn argyfwng / Plentyn mewn perygl /Plentyn mewn perygl o ddod yn Blentyn sy'n Derbyn Gofal
* Rhaid i'r teulu gael gweithiwr cymdeithasol
* Y teulu wedi rhoi caniatâd i atgyfeirio
Am sgwrs anffurfiol, cysylltwch â'r Rheolwr Tîm; Paul Regimbal - paul.regimbal@pembrokeshire.gov.uk
Mae'r swydd hon yn amodol ar wiriad manwl y Gwasanaeth Datgelu a Gwahardd mewn perthynas ag oedolion a phlant
Edrychwn ymlaen at eich croesawu i'm.
Cyfeiriwch at y disgrifiad swydd uchod am ragor o fanylion am y swydd wag hon a manyleb y person.Gwiriadau CyflogaethMae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.
Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.
Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.
Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.DiogeluMae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.
Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.
Cymorth a Gwybodaeth Ychwanegol - Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
- Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
- Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
- Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.
Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.
