Mae gennym gyfle gwych i chi ddatblygu eich gyrfa gofal cymdeithasol ymhellach a sicrhau ein bod yn parhau i ddarparu'r gwasanaethau gorau i'n plant a'n teuluoedd.
Gan adeiladu ar ein cryfderau yn barhaus, rydym yn ymrwymedig i'r egwyddor mai'r ffordd fwyaf effeithiol o wella canlyniadau i'r holl blant, pobl ifanc a theuluoedd yw drwy ddarparu gwasanaethau hygyrch, cyffredinol. Ymunwch â ni a byddwch yn gweithio mewn amgylchedd gwobrwyol lle mae'r staff yn cael eu gwerthfawrogi.
Ein MASH yw'r un pwynt cyswllt i'r holl weithwyr proffesiynol a dinasyddion i godi pryderon ynghylch diogelu. Mae'r MASH yn cyd-leoli partneriaid allweddol (naill ai'n gorfforol neu'n rhithwir) er mwyn gwella'r ymateb cychwynnol i'r holl atgyfeiriadau gan gynnwys pryderon diogelu mewn perthynas â phlant ac oedolion agored i niwed. Mae ein tîm Gwybodaeth, Cyngor a Chymorth wedi'i leoli yn y MASH ac mae'n rhan annatod o'r model.
Byddwch yn cael cyfnod sefydlu cadarn, goruchwyliaeth reolaidd, hyfforddiant a mentora lle y bo angen. Yn ogystal byddwch yn gallu datblygu eich gyrfa ymhellach gyda chyfleoedd datblygu a dyrchafu.
Ym Mhen-y-bont ar Ogwr rydym yn defnyddio'r model ymarfer Arwyddion Diogelwch a rhoddir hyfforddiant llawn i'r ymgeisydd llwyddiannus.
DIBEN Y SWYDD:
Sgrinio atgyfeiriadau a chefnogi sgyrsiau Yr Hyn sy'n Bwysig.
Ymgymryd ag Asesiadau Gofal a Chymorth a sicrhau ansawdd gwaith aelodau eraill o'r tîm.
Gweithredu fel y swyddog sy'n gwneud penderfyniadau allweddol ar y pwynt cyswllt cychwynnol fel rhan o'r MASH a'r Tîm Gwybodaeth, Cyngor a Chymorth.
PRIF GYFRIFOLDEBAU A GWEITHGAREDDAU:
- Gweithio gyda theuluoedd mewn sefyllfaoedd cymhleth, gan ddarparu ymateb cydgysylltiedig i anghenion a phryderon a nodwyd. Bydd hyn yn cynnwys cynnal Asesiadau lle y bo angen i benderfynu ar anghenion cymwys.
- Gweithredu fel y swyddog sy'n gwneud penderfyniadau allweddol ar y pwynt cyswllt cychwynnol i'r Gwasanaeth Gwybodaeth, Cyngor a Chymorth yn MASH.
- Ymgymryd â chyfrifoldebau goruchwylio a thasgau eraill fel sy'n ofynnol i gynorthwyo'r rheolwr tîm yn ei rôl.
- Darparu cyngor ac ymgynghori proffesiynol/mentora arbenigol i weithwyr cymdeithasol, staff heb gymhwyso a myfyrwyr gwaith cymdeithasol.
- Cyfrannu at nodi anghenion hyfforddi a datblygu staff ac ymateb i'r rhain.
- Cyfrannu at ddarparu gwasanaethau, safonau arfer a pherfformiad cyffredinol y tîm.
- Cynnal datblygiad personol a phroffesiynol i fodloni gofynion newidiol y swydd, cymryd rhan mewn gweithgareddau hyfforddi a datblygu priodol.
- Cadeirio a chymryd rhan mewn cyfarfodydd amlasiantaethol.
- Gweithio gyda theuluoedd â sefyllfaoedd cymhleth a darparu ymateb cryf i anghenion a phryderon a nodwyd. Bydd hyn yn cynnwys:
- Asesiadau Gofal a Chymorth
- Ymchwiliadau Amddiffyn Plant a chynllunio ac adolygu gofal
- Gwasanaethau i blant sy'n derbyn gofal
- Gwaith gofal a chymorth cymhleth arall fel y bo'n ofynnol
- Achosion Gofal.
Mae'r gallu i gyfarch cwsmeriaid drwy gyfrwng y Gymraeg yn un o'r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae trwydded yrru ddilys yn un o'r gofynion ar gyfer y swydd hon.
Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
Dyddiad Cau: 28 Ionawr 2026
Dyddiad Llunio'r Rhestr Fer: 02 Chwefror 2026
Dyddiad y Cyfweliad: 12 Chwefror 2026
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person
