Ymarferydd Seicoleg Addysg Arbenigol

Tŷ Elái, Trewiliam, CF40 1NY

1 x Swydd Llawn Amser Dros Dro (Contract tan fis Mawrth 2028) - 5 diwrnod yr wythnos.

Graddfa Soulbury ar gyfer Seicolegwyr Addysg – pwyntiau 3 i 8 a hyd at 3 phwynt SPA (bydd pwyntiau SPA blaenorol yn cael eu hanrhydeddu).

Rydyn ni'n chwilio am Seicolegydd Addysg fydd yn cyfrannu at gymorth effeithiol plant sy'n rhan o Wasanaeth Dechrau'n Deg, yn ogystal â phlant a theuluoedd sy'n derbyn cymorth gan y Gwasanaeth Llesiant a Chydnerthedd y Gymuned yn Rhondda Cynon Taf.

Rydyn ni'n garfan amlasiantaeth sy'n esblygu ac yn tyfu (neu Garfan Amlasiantaeth Gwasanaeth Llesiant a Chydnerthedd y Gymuned yn ffurfiol), sy'n cynnwys Uwch Ymarferydd Arbenigol, Seicolegydd Addysg, Therapyddion Lleferydd ac Iaith, Therapyddion Galwedigaethol a Swyddogion Ymgynghorol Gofal Plant. Nod y garfan yw cynorthwyo arfer da o ansawdd bob dydd, darparu cyngor, canllawiau ac ymyriadau therapiwtig yn seiliedig ar dystiolaeth.

Bydd yr ymgeisydd llwyddiannus yn hanfodol o ran sicrhau bod cymorth sy'n seiliedig ar seicoleg ar gyfer plant, pobl ifainc a'u teuluoedd wedi'i hymgorffori ar draws y carfanau ehangach sy'n rhan o'r maes gwasanaeth. Bydd y swydd yn cynnwys gweithio yn uniongyrchol gyda phlant a phobl ifainc er mwyn llywio/datblygu strategaethau ymyriadau, yn ogystal â gydag unigolion proffesiynol a rhieni/gwarcheidwaid er mwyn helpu i fodloni anghenion datblygiadol, emosiynol a llesol y rheiny sydd yn eu gofal. Bydd disgwyl i ddeiliad y swydd gydweithio gyda sawl carfan ar draws y gwasanaeth, yn ogystal ag asiantaethau eraill, er mwyn gweithredu newid ar lefel systemig; mae'r swydd yma hefyd yn cynnwys datblygu a darparu hyfforddiant.

Bydd y swyddfa yn Nhŷi, Trewiliam, gyda disgwyl i chi weithio yn y swyddfa un diwrnod yr wythnos; bydd trefn gweithio hyblyg yn berthnasol fel arall. A chithau'n Seicolegydd Addysg Arbenigol, bydd gofyn i chi weithio a theithio ledled Rhondda Cynon Taf.

Er y byddwch chi'n rhan o Wasanaeth Llesiant a Chydnerthedd y Gymuned, bydd cymorth a goruchwyliaeth hefyd yn cael eu darparu gan Wasanaeth Seicoleg Addysg Rhondda Cynon Taf. Bydd hefyd y cyfle gyda chi i wneud y mwyaf o'r cyfleoedd DPP arbennig sy'n cael eu cynnig gan y gwasanaeth yma.

Os oes gyda chi'r sgiliau perthnasol ac rydych chi'n brofiadol o ran gweithio gyda phlant a theuluoedd, yn ogystal â meddu ar yr wybodaeth a'r profiad o weithio gydag unigolion y blynyddoedd cynnar, hoffen ni glywed gennych chi.

Os ydych chi angen rhagor o wybodaeth mewn perthynas â'r swydd yma, cysylltwch â Dr Samantha Thomas (Uwch Ymarferydd Seicoleg Addysg Arbenigol ac Arweinydd Carfan Amlasiantaeth Gwasanaeth Llesiant a Chydnerthedd y Gymuned) drwy e-bostio: samantha.thomas@rctcbc.gov.uk er mwyn trefnu galwad ffôn.

Mae'r gallu i weithio mewn dull hyblyg o ran oriau gwaith er mwyn bodloni anghenion y gwasanaeth a gweithio mewn modd sy'n cefnogi'r teulu yn hanfodol.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Yn ogystal âr cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio’n fanwl i gefndir yr ymgeisydd llwyddiannus.

Mae'r Cyngor yn gwerthfawrogi amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Yn rhan o'i amcanion hirdymor mewn perthynas âr Gymraeg a Strategaeth Cynllunio'r Gweithlu, mae'r Cyngor wedi ymrwymo i gynllun cyfweliad gwarantedig ar gyfer siaradwyr Cymraeg Lefel 3 ac uwch. Os ydych chi'n bodloni'r meini prawf hanfodol sydd wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, bydd gwahoddiad i gyfweliad i chi os byddwch chi'n dewis cymryd rhan yn y cynllun.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma.  Diolch am eich diddordeb ac am gyflwyno cais am swydd gyda'r Cyngor.

Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn sy’n cwrdd âr meini prawf hanfodol yn y fanyleb person, yn cael cynnig cyfweliad.