Mae Janet wedi bod yn ofalwr ers 21 mlynedd ac ar hyn o bryd mae'n gofalu am ddau frawd Medwyn a Gareth. Mae byw gyda Janet yn golygu eu bod yn cael byw mor annibynnol â phosibl, fel rhan o gymuned.

Mae Amy yn gweithio mewn cartref preswyl yn Ynys Môn ac yn trafod pwysigrwydd defnyddio'r Gymraeg yn ei gwaith a sut fod unrhyw lefel o'r Gymraeg yn fantais fawr i'r sector gofal.

Daeth Uchenna o Nigeria i ddechrau gweithio fel gyrrwr danfon nwyddau oherwydd ei fod yn mwynhau siarad â phobl. Ond ar ôl iddo ddarganfod gwefan Gofalwn Cymru, fe ddechreuodd ei yrfa fel gweithiwr gofal ac mae’n defnyddio ei sgiliau pobl i wella bywydau’r rhai sydd yn ei ofal.

Mae Lisa yn gweithio i Hyfforddiant Gogledd Cymru fel asesydd dysgu seiliedig ar waith ar gyfer iechyd a gofal cymdeithasol. Cwblhaodd Lisa ei chymhwyster prentisiaeth ac mae hi bellach yn annog pobl eraill i ddilyn yr un llwybr amhrisiadwy.

Un o Lesotho yw Keneuoe yn wreiddiol. Symudodd i'r Bala ym 1997 a dechrau gweithio i Gyngor Gwynedd, lle manteisiodd ar y cyfle i ddysgu Cymraeg ym Mhrifysgol Aberystwyth, gan feistroli'r iaith yn y flwyddyn 2000. Mae Keneuoe bellach yn gweithio mewn cartref gofal, gan gefnogi pobl â dementia ac anghenion cymhleth.

Mae hyrwyddo hawliau pobl a chanolbwyntio ar yr unigolyn a'r hyn sy'n bwysig iddo yn rhan hanfodol o rôl Keneuoe. Drwy gyfathrebu â phreswylwyr yn yr iaith y maen nhw’n ei dewis, mae Keneuoe yn gallu meithrin perthynas â nhw a'u cefnogi, sy'n eu helpu i gynnal eu llesiant.

Yn 2019, helpodd Naomi i lansio’r Cynllun Prentisiaeth Gofal Cymdeithasol ac Iechyd o fewn Cyngor Sir Fynwy i greu llwybr ar gyfer y rhai sydd â diddordeb mewn gyrfa mewn gofal.

Defnyddiodd Naomi ei phrofiad ei hun o astudio fel ffisiotherapydd i greu dull lleoliad cylchdro fel y gallai prentisiaid gael profiad mewn amrywiaeth eang o rolau i’w helpu i ddod o hyd i’r proffesiwn cywir ar eu cyfer o fewn gofal.