Grŵp Chwarae a’r Cylch Meithrin (Gofal dydd sesiynol neu dan oed ysgol)

Cyfeirir at Gylchoedd Chwarae / Cylchoedd Meithrin hefyd fel ‘Gofal Sesiynol’. Maent yn darparu profiad safonol o chwarae, dysgu a datblygu i blant rhwng dwy a phedair oed. Fel arfer, darperir pob sesiwn am hyd at bedair awr y dydd ac mae’r plant sy’n dod i’r sesiynau’n yn cael eu cefnogi i ddysgu drwy chwarae a chymryd rhan weithredol. 

Gall grwpiau chwarae gael eu rhedeg yn breifat neu gan bwyllgor o rieni neu ofalwyr lleol. Mae’r sesiynau’n aml yn cael eu cynnal mewn canolfannau cymunedol, ysgolion neu feithrinfeydd.  Dim ond yn ystod y tymor y gellir cynnal y sesiynau, neu yn ystod gwyliau’r ysgol. Gallant hefyd ddarparu gwasanaethau cynnal o amgylch ysgolion cynradd lleol. 

Nod y darparwyr yw creu awyrgylch diogel a difyr lle gall plant ddysgu drwy chwarae a thrwy weithgareddau cynhwysol. Gall plant ddatblygu eu sgiliau cymdeithasol drwy ryngweithio â phlant eraill o dan staff proffesiynol a chymwysedig. 

Cylchoedd Chwarae cyfrwng Cymraeg yw Cylchoedd Meithrin, sy’n ceisio hyrwyddo addysg a datblygiad plant a darparu addysg cyfrwng Cymraeg i’r plant er mwyn iddyn nhw fod yn ddwyieithog.  

Mae’n ofynnol i Gylchoedd Chwarae/Cylchoedd Meithrin yng Nghymru fodloni’r safonau gofynnol a nodir ac a orfodir gan Arolygiaeth Gofal Cymru.