Nani
Mae nanis yn darparu gofal i un neu fwy o blant yn y cartref teuluol fel gwasanaeth.
Bod yn Nani
Byddwch yn gweithio mewn partneriaeth â’r teulu, gan fod yn gyfrifol am ddiogelwch a datblygiad y plant. Byddwch yn darparu gofal i un neu fwy o blant, yn eu dysgu sut i ymddwyn yn dda, yn cynnal amgylchedd glân a diogel ac yn trefnu gweithgareddau creadigol fel crefftau neu ddarlunio.
Yn ôl yr angen, bydd eich dyletswyddau yn cynnwys:
- paratoi prydau bwyd
- helpu’r plant gyda’u gwaith cartref
- cludo’r plant i’r ysgol ac oddi yno
- trefnu cyfnodau cysgu
- cwblhau tasgau o amgylch y tŷ.
Gwybodaeth am y gweithle
Efallai y byddwch yn byw yn y cartref, a bydd hynny’n dibynnu ar anghenion y teulu. Byddwch yn cael eich cyflogi drwy gontract personol gyda rhieni.
Dechrau arni fel Nani
Byddwch yn gyfrifol am gofrestru gydag Arolygiaeth Gofal Cymru (AGC), cwblhau gwiriad DBS a chael yswiriant. Mae rhai awdurdodau lleol yn cynnig grantiau dechrau busnes i helpu i sefydlu eich busnes gwarchod plant ac mae rhagor o arweiniad ar gael yn PACEY.
I lwyddo yn y swydd hon, bydd angen y rhinweddau canlynol arnoch chi:
- mwynhau gweithio gyda phlant
- natur ofalgar ac amyneddgar
- agwedd hyblyg ac addasadwy
- sgiliau cyfathrebu da, gan gynnwys sgiliau llafar a gwrando
- dychymyg a chreadigrwydd.
Cymwysterau Gofynnol
Nid oes angen cymwysterau.
