Rheolwr Gofal Cartref
Fel Rheolwr Gofal Cartref, byddwch yn pennu'r cyfeiriad gweithredol ac yn trefnu'r gwaith o redeg y gwasanaeth yn effeithiol. Byddwch yn gwneud yn siŵr bod staff yn darparu'r gofal a'r cymorth gorau posib.
Bod yn Rheolwr Gofal Cartref
Byddwch yn darparu arweinyddiaeth effeithiol i staff ac yn goruchwylio. Byddwch yn cyfathrebu â'r aelodau perthnasol o staff yn eich tîm i'w helpu i ddeall eu rôl o ran darparu gofal a chymorth.
Byddwch yn llenwi gwaith papur ac yn cadw cofnodion cyfredol, gan gynnwys dogfennaeth reoleiddiol hanfodol.
Gwybodaeth am y gweithle
Wrth i’n poblogaeth heneiddio, mae gofal cartref yn dod yn hanfodol i bobl ledled Cymru. Mae’r gwasanaethau hyn yn darparu gofal a chymorth i bobl sy’n byw yn eu cartrefi eu hunain
Cymwysterau Gofynnol
Mae gan Gofal Cymdeithasol Cymru ragor o wybodaeth am y cymwysterau sy’n ofynnol ar gyfer y swydd hon. (dolen)
Bydd angen i chi hefyd fod wedi cofrestru gyda Gofal Cymdeithasol Cymru. Gallwch chi wneud cais i gofrestru neu chwilio drwy'r gofrestr ar-lein.
Cyflwyniad i ofal cymdeithasol
Dechrau arni fel Rheolwr Gofal Cartref
I lwyddo yn y rôl hon, bydd angen y canlynol arnoch chi:
- brwdfrydedd dros weithio gyda phobl
- sgiliau cyfathrebu da
- empathi a thosturi
- cymhelliant a phenderfyniad
- y gallu i feithrin perthnasoedd ymddiriedus
- y gallu i weithio’n dda mewn tîm
- sgiliau trefnu da
- hyblygrwydd
- y gallu i gadw cofnodion cywir
- gwytnwch
- y gallu i addasu i sefyllfaoedd heriol a newidiol
- agwedd agored a chynhwysol
- sgiliau arwain a rheoli
- y gallu i roi cyfarwyddiadau ac i oruchwylio aelodau eraill o'r tîm
- dealltwriaeth lawn o'r rheoliadau a'r gofynion cyfreithiol sy'n gysylltiedig â'r rôl
- y gallu i dalu sylw trylwyr i fanylion, gan wneud yn siŵr bod y wybodaeth gywir yn cael ei chofnodi yn yr holl waith papur
