Taith Leah: Bywyd fel Micro-Ofalwr
Mae stori Leah yn enghraifft bwerus o sut y gall angerdd, cefnogaeth a hyblygrwydd ddod ynghyd i greu gwahaniaeth. Nid yn unig yn ei bywyd hi, ond hefyd ym mywydau’r bobl y mae’n eu cefnogi.
Gyda chymorth Heather Maling o Gatalyddion Cymunedol, daeth Leah yn Ofalwr Micro, gan gynnig cymorth personol i bobl ag anableddau dysgu. Mae’n gweithio 27 awr yr wythnos, ac yn mwynhau’r rhyddid o fod yn fos hi hun a’r cysylltiadau dwfn y mae wedi’u meithrin gyda’r rhai y mae’n gofalu amdanynt.
Chwalu rhwystrau drwy hunangyflogaeth
Gan fyw gyda phroblemau symudedd, roedd Leah unwaith yn ofni na fyddai’n cael ei hystyried ar gyfer rôl mewn gofal. Ond newidodd hunangyflogaeth bopeth. Bellach, mae’n dewis pwy i’w gefnogi yn seiliedig ar eu hanghenion a’r hyn y gall ei gynnig, gan greu dull gofal wedi’i deilwra a llawn tosturi.
“Mae pobl yn meddwl mai golchi a gwisgo yw gofal, ond mae’n llawer mwy na hynny,”
“Rydych chi’n eu helpu i gyrraedd eu potensial llawn tra’n creu atgofion ac yn byw eu bywyd gorau.”
Adeiladu perthnasoedd
Mae presenoldeb cyson Leah wedi dod â pharhad ac ymddiriedaeth i fywydau’r rhai y mae’n eu cefnogi. Mae wedi dysgu sut mae hyder yn tyfu pan fydd pobl yn teimlo’n ddiogel ac yn cael eu gwerthfawrogi. Ei hoff ran o’r swydd yw gweld rhywun yn blodeuo.
“Mae’r perthnasoedd a’r unigolion wedi ffynnu.”
Diwrnod ym mywyd Gofalwr Micro
Mae diwrnodau Leah yn llawn llawenydd ac antur. Boed yn mynychu ‘Allan am Awr’, grŵp gweithgaredd cynhwysol a redir gan Valleys Connect neu’n mwynhau teithiau i Sain Ffagan, sioeau Canolfan y Mileniwm, siopa i Abertawe neu fwyta pysgod a sglodion ar y traeth, mae pob taith yn gyfle i greu atgofion parhaol.
Mae Leah hyd yn oed wedi trefnu digwyddiadau arbennig, fel pryd pen-blwydd annisgwyl yng ngwesty hastell i Ellie a’i ffrindiau. Mis diwethaf aethom i Sioe Frenhinol Cymru ac ym mis Tachwedd maent yn mynd i Weston-super-Mare am y penwythnos.
O ganu yn yr YMCA yn Hirwaun i deithiau dydd ar fws gyda Brent Thomas, mae gwaith Leah mor fywiog.
Yn ystyried dod yn Ofalwr Micro?
Mae cyngor Leah yn syml:
Ewch amdani! Mae cymaint o gefnogaeth ar gael!”
Gyda chymorth Catalyddion cymunedol, mae gofalwyr micro yn derbyn hyfforddiant, arweiniad ar sefydlu busnes, a chefnogaeth barhaus. Maent yn cael eu hychwanegu at Gyfeirlyfr Gofalwyr Micro RhCT, gan eu cysylltu â phobl sy’n chwilio am ofal drwy dimau gwaith cymdeithasol lleol. Mae grŵp WhatsApp pwrpasol hefyd yn helpu gofalwyr i ddod o hyd i waith a rhannu cyngor, dyma le cafodd Leah ei rôl bresennol.
Yn awyddus i ymuno â chymuned y gofalwyr micro yn Rhondda Cynon Taf?
Cysylltwch â Heather Maling:
Rhif ffôn: 07442 361409
