Gweithiwr cymdeithasol
Fel Gweithiwr Cymdeithasol, eich nod chi fydd gwella bywydau pobl. Mae gwaith cymdeithasol yn broffesiwn sy’n cefnogi, yn awdurdodi a diogelu’r oedolion a phlant mwyaf agored i niwed mewn cymdeithas.
Y bobl rydych chi’n gweithio gyda nhw
Mae gwaith cymdeithasol yn broffesiwn cydweithredol, sy'n gweithio gydag ystod eang o weithwyr proffesiynol, plant, oedolion a theuluoedd. Byddwch yn gweithio gyda nhw i gefnogi eu perthnasoedd â’u teuluoedd, grwpiau a chysylltiadau â’u cymuned. Byddwch yn eu helpu i adnabod eu cryfderau, datblygu eu sgiliau a gweithio gyda nhw ar unrhyw heriau.
Dyma rywfaint o wybodaeth ychwanegol am rai unigolion y gallech weithio gyda nhw:
Bod yn Weithiwr Cymdeithasol
Fel Gweithiwr Cymdeithasol byddwch yn cynnal asesiadau i ddeall a oes angen gofal a chymorth ar bobl. Byddwch yn gweithio gydag unigolion, gofalwyr a theuluoedd i lunio ac adolygu cynlluniau gofal a chymorth.
Byddwch yn cadw cofnodion a gallwch ysgrifennu adroddiadau a mynd i’r llys. Bydd angen i chi weithio o fewn y Codau Ymarfer Proffesiynol a chymryd rhan mewn hyfforddiant neu ddysgu fel rhan o'ch datblygiad proffesiynol parhaus (DPP).
Y rhinweddau a'r gwerthoedd y gallai fod eu hangen arnoch yw:
- sgiliau cyfathrebu da
- ymagwedd hyblyg at waith a’r gallu i weithio’n dda mewn tîm
- y gallu i feithrin perthnasoedd effeithiol a datblygu cysylltiad
- y gallu i addasu i amgylchiadau sy’n newid
- empathi, gonestrwydd a bod yn agored
- agwedd anfeirniadol
- tosturi, cydnerthedd ac amynedd
- sgiliau rheoli amser a gweinyddol da
- llythrennedd cyfrifiadurol
- y gallu i ddeall ac ymgymryd â dyletswyddau cyfreithiol
Blas ar: Gwaith cymdeithasol
Dod yn Weithiwr Cymdeithasol
I ddod yn weithiwr cymdeithasol bydd angen gradd gwaith cymdeithasol arnoch. Y radd mewn gwaith cymdeithasol yw'r cymhwyster proffesiynol ar gyfer gweithwyr cymdeithasol yng Nghymru a ledled y DU. Disgwylir i weithwyr cymdeithasol gynyddu eu gwybodaeth a'u sgiliau ar ôl cymhwyso.
Gallwch astudio gwaith cymdeithasol ar lefelau graddedig neu ôl-raddedig a bydd angen i chi ddysgu am y gyfraith, polisi a theori gwaith cymdeithasol wrth ennill eich cymwysterau. Mae prifysgolion yn rhedeg rhaglenni mewn partneriaeth â gwasanaethau gwaith cymdeithasol awdurdodau lleol.
I ddysgu mwy am ddod yn weithiwr cymdeithasol gallwch ymweld â Gofal Cymdeithasol Cymru.
Efallai y byddwch yn gymwys i gael bwrsariaeth. Mae mwy o wybodaeth ar gael yma.
