Cartrefi Gofal

Gelwir cartrefi gofal hefyd yn gartrefi gofal preswyl. Maent yn cefnogi oedolion sydd angen cymorth ychwanegol, neu sydd â chyflyrau meddygol cymhleth sy'n gofyn am sylw arbenigol.

Mae staff hyfforddedig ar gael ddydd a nos, ac maent wedi ymrwymo i sicrhau bod anghenion unigol y preswylwyr yn cael eu diwallu. Mae hyn yn cynnwys darparu gofal personol, megis golchi, gwisgo, bwyta, cymryd meddyginiaeth, a mynd i'r toiled.

Mae rhai cartrefi gofal yn cynnig darpariaeth i unrhyw un sydd angen gofal bob awr o’r dydd ym mhresenoldeb nyrs gofrestredig. Yn aml, mae’r rhain yn cael eu galw’n gartrefi nyrsio ac mae rhai’n darparu eu gwasanaethau’n benodol ar gyfer y rheini sydd ag anghenion penodol. Nid yw pob cartref gofal yn darparu mathau arbenigol o ofal fel gofal seibiant, gofal nyrsio neu ofal dementia, felly mae’n bwysig cofio hyn wrth ymchwilio.

Yn ogystal â llety, maen nhw’n cynnig amrywiaeth eang o weithgareddau i breswylwyr eu mwynhau. Gall hynny gynnwys teithiau am y dydd, ymarferion a gweithgareddau diwylliannol a helpu preswylwyr i fyw’r bywyd maen nhw ei eisiau.

Yng Nghymru, rhaid i gartrefi gofal fod wedi’u cofrestru gydag  Arolygiaeth Gofal Cymru, sy’n cofrestru, yn arolygu ac yn cymryd camau i wella ansawdd gwasanaethau gofal ledled Cymru.