Gweithio gydag Oedolion

Mae Lisa yn gweithio i Hyfforddiant Gogledd Cymru fel asesydd dysgu seiliedig ar waith ar gyfer iechyd a gofal cymdeithasol. Cwblhaodd Lisa ei chymhwyster prentisiaeth ac mae hi bellach yn annog pobl eraill i ddilyn yr un llwybr amhrisiadwy.

Ar ôl cael trafferth ymgysylltu â’r ysgol, cafodd Callum gefnogaeth i gymryd lleoliad mewn cartref gofal lleol lle gwnaeth ei barch a’i ofal dros breswylwyr ef yn ymgeisydd perffaith ar gyfer prentisiaeth mewn gofal cymdeithasol.

Mae hyder Callum wedi parhau i dyfu wrth iddo symud ymlaen trwy ei gymhwyster lle mae wedi cael ei gefnogi gan fentor personol sy’n gallu teilwra ei gyfrifoldebau i gynnwys gofal mwy cymhleth fel argyfyngau pan fydd yn barod.

Er gwaethaf yr heriau, mae balchder a boddhad Callum yn ei waith wedi’i wreiddio yn y gwerthfawrogiad a’r diolchgarwch a ddangosir gan y preswylwyr y mae’n gofalu amdanynt.

Mewn llythyr mewn llawysgrifen gan un preswylydd, fe’i disgrifiwyd fel “gofalwr a aned”.

Un o Lesotho yw Keneuoe yn wreiddiol. Symudodd i'r Bala ym 1997 a dechrau gweithio i Gyngor Gwynedd, lle manteisiodd ar y cyfle i ddysgu Cymraeg ym Mhrifysgol Aberystwyth, gan feistroli'r iaith yn y flwyddyn 2000. Mae Keneuoe bellach yn gweithio mewn cartref gofal, gan gefnogi pobl â dementia ac anghenion cymhleth.

Mae hyrwyddo hawliau pobl a chanolbwyntio ar yr unigolyn a'r hyn sy'n bwysig iddo yn rhan hanfodol o rôl Keneuoe. Drwy gyfathrebu â phreswylwyr yn yr iaith y maen nhw’n ei dewis, mae Keneuoe yn gallu meithrin perthynas â nhw a'u cefnogi, sy'n eu helpu i gynnal eu llesiant.